2020/10/16

Espainiako Itzulia datorren urriaren 20ean hasiko da. Lehenengo etapa Irunen hasi eta Eibarren amaituko da. Txirrindulariak Zarautzetik igaroko dira eta Nafarroa kale osoa zeharkatuko dute 14:30ak inguruan.

Ondorioz, lasterketako parte hartzaileen segurtasuna bermatzeko helburuarekin, Mugikortasun sailak jakinarazi du Nafarroa kalean txirrindulariak igaro baino 45 minutu lehenago moztuko dela trafikoa. Hau da, 13:45etan itxiko da Nafarroa kalea. Txirrindulariak pasa ondoren zabalduko da berriz errepidea. Hortaz, herritarrei ordu tarte horietan Nafarroa kalea ekidin eta herritik mugitzeko kale alternatiboak erabiltzea eskatzen zaie.