Zarauzko hondartza ia bi kilometro luzez itsasora zabalik dagoen eta babestu behar den baliabide natural eta ekonomikoa da. Zarauzko Udalak badaki hori, eta, horregatik, hondartzan kutsadura prebenitzeko eta erabiltzaileen ingurumenarekiko jarrera hobetzeko, ingurumen kudeaketako ISO 14001 sistema ezarri dute hondartzaren kudeaketan aritzen diren udal zerbitzu teknikoek, eta etengabe lantzen dute EMAS Europako Ekokudeaketa eta Ekoauditoriako araudia.