Información

Euskararen erabileran eragin ahal izateko herritarrak ahalduntzea dugu helburu jarduera honekin. Gure lurgunean hizkuntza bat baino gehiago daude, baina euskarak lurgune hauxe bakarrik du, eta euskaldunok euskara erabili eta babesteko ardura eta aukera paregabea dugu. Horretaz gain, zarauztarrok badugu modua euskaraz bizitzeko, eta, beraz, eredu izan behar dugu gainerako euskaldunentzat.

Dekalogo honen bidez hizkuntza ekologiaren diskurtsoa zabaldu nahi da herritarren artean, edozein herritarrek ulertzeko moduan eta gure egunerokoan identifikatzen ditugun egoerak baliatuta, hausnarketa sortzeko eta norbere euskararen erabileran eragiteko helburuarekin. Dekalogoaz gain, herritar erreferenteak hizkuntzaz hausnartzen ageri diren hamar bideo-pilula sortu ditugu horretarako.

Zarautzen %85a da euskara ulertzeko gai, eta iruditzen zaigu datu horrekin gai garela egiten dugun baino jarduera gehiago euskaraz egiteko.

Bideo-pilulak