Zarauzko Udaleko Gazteria sailak aurten, lehenengo aldiz, Zarautzi buruzko Gradu Amaierako Lanak (GRAL) eta Master Amaierako Lanak (MAL) diruz laguntzeko bekak emango ditu. Helburua, Zarautzen unibertsitateko ikasketak egiten ari diren gazteek ikasturte amaierako lanetan Zarauzko errealitateak aztertzea sustatzea da.
Eskaerak aurkezteko epea irailaren 15ean hasiko da eta urriaren 15era arte egongo da zabalik. Prozesuaren amaieran, deialdiaren bitartez aukeraturiko Gradu eta Master Amaierako Lanak aurkezteko ekitaldi bat antolatuko da.
Helburua:
Lana Zarautzekin erlazioa izatea (ekimenak, zerbitzuak, industria, historia…).
Beka eman ondoren, Udalak antolatutako aurkezpen-saio publiko bat egingo da.
Gehienez 5 beka emango dira, 1.000€ lan bakoitzeko.
Beka eskatzeko baldintzak:
21 eta 30 urte bitarteko adina.
Zarautzen erroldatuta egotea, eskabideak aurkezteko epea amaitzen den egunean Zarautzen erroldatuta egon beharko du aurreko hiru urtetan (etenik Gabe), edo gutxienez 10 urtetan, etenekin.
2024an, GRALeko eta MALeko ikasgaian matrikulatuta egotea.
Fakultatean, proiektuak gutxienez 6ko kalifikazioa izan beharko du, bestela ez da bekaren bigarren zatia emango eta lehenengoa itzuli egin beharko da.
Lanak Zarautzi buruzkoak izan behar dira eta euskaraz idatzitakoak.
Zarautzen bertan egingo den aurkezpena ere, euskaraz egin behar da.
Eskaerak egiteko epea:
Irailaren 15etik urriaren 15era (biak barne).
Non?
Udaletxean (HAZ – Herritarren Arrera Zerbitzua):
Astelehenetik Ostiralera → 7:30etik 15:00etara
Ostegunetan → 17:00etatik 19:00etara
Bide elektronikotik (BAKQ – izenpe txartela behar da).
