2020/10/30

COVID19-aren prebentziorako Eusko Jaurlaritzak hartutako azken neurriei dagokienez, Euskal Herriko Aldizkari Ofizialean argitaratuak, urriaren 26an (36/2020 Dekretua), Zarauzko Udalak Aritzbatalde Kiroldegiko instalazioetan egindako aldaketen berri eman die erabiltzaileei.

INSTALAZIOKO AFOROAK

Hauek dira Aritzbatalde Kiroldegiko aforoak, 14.2 Artikuluan jasotakoa errespetatuz: “Kirol instalazioetan, baimenduko den gehieneko edukiera izango da instalazioaren edukiera baimenduaren %50”.

Deskargatu aforo taula

AIREZTATZE SISTEMA

Instalazioko areto guztietako leihoak zabalik egongo dira eta airea berritzeko sistema uneoro aktibatuta egongo da, espazioen aireztapena bermatze aldera.

HARRERA ZERBITZUA

Arreta zerbitzuaren ordutegia Fitness eta Igerilekuetako txanden ordutegira egokitu da.

• Astelehenetik ostiralera: 6:30etik 21:00era.
• Larunbatak: 8:30etik 13:30era eta 16:30etik 20:00era.

IGERILEKUAK

Erreserba txandak eta aforoak mantenduko dira, aldagela zein hiru igerilekuetan: igerileku handian 18 pertsona, igerileku ertainean 17 pertsona, eta igerileku txikian 23 pertsona. Aldageletan, 12 pertsona.

Honez gain, erreserba txanda hasi baina 15 minutu lehenago instalaziora sartzeko aukera mantentzen da.

Ikusi igerileku handiko taula      Ikusi igerileku ertaineko taula      Ikusi igerileku txikiko taula

FITNESS GUNEA

Erreserba txandak eta aforoak mantenduko dira, aldageletan (9 pertsona) zein gune guztian (65 pertsona).

Honez gain, erreserba txanda hasi baina 15 minutu lehenago instalaziora sartzeko aukera mantentzen da.

Ikusi Fitness txandetako taula

14.1 Artikuluan jasotzen dena betetze aldera (taldeko edozein kirol-jarduera eten egin da, bakarka bakarrik egin ahal izango da kirola), salbuespenik gabe, bakarkako kirola praktikatzea exijituko da, ‘talde txiki’ eta ‘bikoteen’ arteko kirol praktika debekatuta geratzen delarik. Era berean, maskararen erabilera egokia egitea derrigorrezkoa izango da, jarduera fisikoa egiten denean ezik.

Berrikuntza bezala, eta muskulazio aretoan jende pilaketak ekidite aldera, gune honetako aforo partziala 13 pertsonakoa izango da.

Azkenik, Express saioetako aforoa, Tatami aretoan emango direnak, 11 pertsonara jaitsiko da (10 ikasle eta monitore 1), 5 pertsonako azpitaldeetan banatuta, 14.2 Artikuluan jasotzen dena betetzeko (taldean ematen diren eskoletan, gehienezko parte-hartzaile kopurua 6 lagunekoa izango da talde bakoitzeko, eta eskola ematen den espazioan puntu honetan ezarritako gehieneko edukiera errespetatuko da).

IKASTAROAK

Antolatutako ikastaro guztiak mantenduko dira, gehienez sei pertsonako azpitaldeetan banatuta, 14.2 Artikuluan jasotzen denaren arabera (taldean ematen diren eskoletan, gehienezko parte-hartzaile kopurua 6 lagunekoa izango da talde bakoitzeko, eta eskola ematen den espazioan puntu honetan ezarritako gehieneko edukiera errespetatuko da).

Azpitaldeetako neurri honekin, ‘burbuila’ sistema ezarri nahi da, prebentzio eta kutsatzearen trazabilitatea errazteko asmoz.

Ikastaroetan hartu diren neurriak hauek dira:

- Talde bakoitzaren baitan sei pertsona baino gutxiagoko taldeak ezarri dira.

- Azpitaldeen arteko distantzia 3 metrokoa da, gutxienez (gomendatutako 1,5 metroko segurtasun distantziaren bikoitza).

- Aretoetako koadranteen sistema mantentzen da. Koadrante bakoitzak 2x2 metroko azalera du, eta koadranteen arteko tartean 15cm-koa da.

- Koadrantearen erdirik, gertueneko koadrantearen erdira 2,15 metroko distantzia dago (gomendatutako 1,5 metroko segurtasun distantzia baino gehiago).

- Ikastaroetan parte hartzen duten pertsonak beti koadrante berdinean jarriko dira, beti azpitalde berdinean egoteko.

- Spinning aretoa (egun Hitzaldi aretoan) 3 Aretora mugituko da, distantzia gehiago izateko eta azpitaldeen arteko banaketa hobetzeko asmoz.

- Igerilekuko ikastaroak:

- Haurren igeriketa ikastaroak mantentzen dira, aldaketarik gabe, monitore batek edo gehiagok zuzendutako 6 pertsona baino gutxiagoko ikastaroak direlako.

- Aquafitness ikastaroak berreskuratuko dira igerileku txikian, 6 pertsona baino gutxiagoko azpitaldeetan, igerileku osoan sakabanatuta.

Hau honela, hauxe da aretoek izango duten konfigurazio berria, azpitaldeetan banatuta:

Edozein zalantza argitzeko, Harrerara deitu (943 00 51 23)  edo kirola@zarautz.eus helbidera idatzi daiteke.