Informazioa

Bazkidetza kiroldegian tramitatu - Inprimakiak 

* Abonatu-alta berriek matrikula ordaindu behar dute; abonu-tarifaren hilabete bateko prezioa izango da.
* Abonu-tarifaren ordainketa modu hauetan egin daiteke: helbideratuta; transferentzia eginda Udaleko kontu korronte batera; edo kreditu-txartel bidez Aritzbatalde kiroldegiko harreran.
* Debekatuta dago instalazioak erabiltzea abonu-tarifa ordaindu dela justifikatu eta Kirol Departamentuak onartu arte.
* Kirolari federatuek hileko abonatu-tarifa ordaindu behar dute Udalaren jabetzako edota Udalak hitzarmen bidez baimenduta dituen ikastetxeen jabetzako instalazioak erabiltzeko.
Abonu-tarifa ordaindu beharrik ez izateko beharrezkoa da ordaintzetik berariaz salbuetsita egotea, indarrean dagoen alkatetza-dekretu bidez.
* Mendekotasun egoeran dauden pertsonei, itsuei edo ikusmen-urritasun larria dutenei eta gurpil-aulkien erabiltzaileei laguntza ematera doazen pertsonek doako sarrera izango dute.
* Tarifa soziala: udal tasen eta prezio publikoen salbuespen eta hobariei buruzko araudian –14. Ordenantza Fiskala– zehazten diren irizpide tekniko, prozedura eta baldintzen arabera aplikatuko da. Tarifa sozialaren onuradun izateko eskubidea dutenek matrikulan % 100eko hobaria izango dute. Tarifa sozialaren hobaria duten familia-unitateei ez zaie aplikatuko banakako abonu-tarifa 23 urtetik aurrera.
* Adinari dagokion abonatu motaren eta tarifaren aldaketa ofizioz aplikatuko da, eta jaiotegunaren hurrengo hilabetean izango du eragina.
* Abonatu-tarifa familiarra duen adingabeari helduen banakako abonatu-tarifa aplikatuko zaio, ofizioz, 23 urte bete eta hurrengo hilabetean, adin aldaketak tarifa-motan eragiten duen aldaketagatik.
* Familia-unitatea honako hauek osatuko dute:
          — Eskatzaileak.
          — Bere ezkontideak (ezkontza-deuseztatze, banantze edo dibortziorik ez badago) edo izatezko bikote modura eskatzailearekin batera bizi den pertsonak (behar bezala frogatuta baldin badago), eta
          — Bere zaintzapean etxe bizitza berean bizi diren seme-alabek (23 urtetik beherakoak). Familia liburua aurkeztuko da.
* Abonatu-tarifetan altak, bajak edo datuen aldaketak egiteko, indarrean dagoen inprimaki ofiziala eta dagozkion dokumentuak aurkeztu behar dira, Udalak tramitatu eta ontzat emateko. Inprimakiak egoki beteta, data jarrita eta sinatuta egon behar du, tramitatu ahal izateko.
* Instalazioak erabiltzeko, indarrean dagoen inprimaki ofiziala beteta, sinatuta, dagokion dokumentazioa aurkeztuta, abonu-tarifa ordainduta, Udalak ontzat emanda eta idatziz baimenduta egon behar du. Inprimakia eta dokumentazioa Aritzbatalde kiroldegiko harreran entregatu behar dira. Inprimakiaren data ofiziala harreran aurkezten den egunekoa izango da.
* Abonatu-alta hileko edozein egunetan onartuta ere, hilabete hori osorik ordaindu beharko du titularrak. Abonu-tarifak hilero eta automatikoki kobratzen jarraituko du Udalak, harik eta berariaz (idatziz eta ezarritako epean zein moduan) abonatu-baja eskatu eta Udalak onartu arte edo Udalak ofizioz baja eman arte.
* Abonu-tarifa ordaindu dela justifikatu eta Udalak onartu arte ezin dira instalazioak erabili. Abonu-tarifa honela ordaindu daiteke:
          — Ordainketa helbideratuta: Udalak automatikoki kobratuko ditu tarifak hilaren lehenengo astean. Banketxe ak ordainagiria
atzera botatzen badu, edo helbideratu gabeko ordainketak dagokion moduan eta epean egiten ez badira, abonatuari ofizioz baja
emango zaio, eta zorretan geratuko da diru-kopurua ordaindu arte.
          — Udalari egindako transferentzia bidez: helbideratu gabeko abonu-tarifak hilabete bakoitzeko lehenengo 5 lanegunetan ordainduko ditu abonatuak.
          — Kreditu-txartelaren bidez (Aritzbatalde kiroldegiko harreran).
* Abonatu-tarifan baja emateko, inprimaki ofiziala be te eta sinatu behar da, Udalak tramitatu eta ontzat eman dezan.
* Baja-eskaera aurkezteko bideak:
          — Aurrez aurreko eskaera: Aritzbatalde kiroldegiko harreran edo Udaleko Herritarren Arreta Zerbitzuan.
          — Eskaera telematikoa: kirola@zarautz.eus helbidean edo udal erregistro elektronikoan (Zarautz.eus).
* Abonatu-bajaren eskaerak ez dakar automatikoki baja ematea. Udalak, baja-eskaerak aztertu eta kudeatu ondoren, idatziz onartuko ditu, eta eskatzaileari jakinarazi. Udalak baja eskaeren idatzizko onarpena modu hauetan eman dezake:
          — Baja-eskaera Aritzbatalde kiroldegiko harreran aurkeztu bada, baja-eskaeraren kopia zigilatua entregatuko da. Inprimakiari harreran aurkeztu den eguneko data jarriko zaio, eta horixe izango da baja-eskaeraren data ofiziala.
          — Baja-eskaera Udaleko Herritarren Arreta Zerbitzuan, kirola@zarautz.eus helbidean edo Zarautz.eus udal erregistro elektronikoan aurkezten bada, Udalak idatziz jakinaraziko du onarpena. Inprimakiari telematikoki aurkeztu den eguneko data jarriko zaio, eta horixe izango da baja-eskaeraren data ofiziala.
* Abonatuari noiz emango zaion baja:
          — Hilaren 25a baino lehen eskatutako baja: Kirol Departamentuak onartu eta hurrengo hilean izango du eragina.
          — Hilaren 25ean edo hortik aurrera hila amaitu arte aurkeztutako baja-eskaerak, ordea, ez dira zuzenean hurrengo hilean gauzatuko, haren ondorengoan baizik. Beraz, eskatzaileak hurrengo hilean altan jarraituko du, eta dagokion kuota ordainduko du.
* Ofizioz emandako bajak: Udalak abonatu-tarifan baja emango du, ofizioz, intzidentzia, gertaera edo beste egoera baten aurrean kautela-neurri gisa hala erabakitzen badu. Kasu horietan, ez zaio abonatu-tarifa kobratuko baja eman den dataren hurrengo hilabetetik aurrera.