Datorren asteazkenean, martxoaren 16an, Zarauzko Udalak saio informatibo bat antolatu du herritarrei Errotazar, Irita eta Amillubi guneei eragingo dieten antolamendu-proposamenak eta aukerak azaltzeko, eta herritarrek galderak, ekarpenak eta iradokizunak egin ahal izateko.
Hauek dira saio honetan landuko diren proposamenak:
Errotazar (sektorekatze-plana): Abendañoko industria gunea zabaltzea.
Irita eta Amillubi (plan orokorra aldatzea): Hezegunea berreskuratzea, ekipamenduak (autobus geltokia, zuzkidura-bizitokiak) eta etxebizitzak (babes publikokoak eta libreak).
Aurkezpen hau, esan bezala, datorren asteazkenean gauzatuko da:
DATA: Martxoak 16, asteazkena. LEKUA: Udaletxeko Pleno Aretoa (Zigordia kalea, 13). ORDUA: 18:00etan (Errotazar) eta 19:00etan (Irita eta Amillubi).
