Informazioa

Zarauzko Udalak euskararen erabilera sustatzera bideratuta dauden jarduerak egiteko, pertsona fisikoei eta irabazi-asmorik gabeko erakundeei edo elkarteei dirulaguntzak ematen die.

ESKAERA AURKEZTEKO EPEA:

2024ko maiatzaren 16tik ekainaren 17ra

NORK ESKA DEZAKE?

• Euskararen erabilera sustatzeko jarduerak egin nahi dituzten pertsona fisiko nahiz irabazi-asmorik gabeko erakunde eta elkarteek eskatu ahal izango dituzte. 
• Irakaskuntza-zentroak deialdi honetatik kanpo geratuko dira.
• Pertsonen eskubideen aurkakoak edo iraingarriak diren edukiak dituzten jarduerak edo programak ez dira onartuko.

ZENBATEKOA

Proposatutako dirulaguntzaren zenbatekoak ez du programaren gastu-aurrekontuaren % 75 gaindituko.

Dirulaguntzen emakida gehienez dagokion partidaren aurrekontuko diru-izendapenaren mugaraino egingo da, beraz, ordaindu beharreko kantitatea handiagoa bada aurrekontuan horretarako izendatutako kopurua baino, banaketa proportzionala egingo da eskatzaile guztien artean.
 

AURKEZTU BEHARREKO AGIRIAK

• Eskaera eredua behar bezala beteta: eskatzailearen datuak, ekintzaren ezaugarriak, ekintzaren aurrekontua.7.3A eredua.
• Zerga betebeharrak eta Gizarte Segurantzarekikoak eguneratuta dituela ziurtatzen dituzten agiriak (eskatzaileek aukera izango dute adierazpenaren bidez Zarauzko Udalari baimena ematea informazio hau berak eska dezan). 7.3B eredua
• Erantzukizuneko adierazpena sexuaren, ideologiaren, jatorriaren nazionalitatearen edo sexu-joeraren ziozko diskriminaziorik ez dela egiten. 7.3B eredua
• Hizkuntza ofizialen aurreikusitako erabilera. 7.3D eredua
• Beste dirulaguntza eskabideen aitorpena. 7.3F eredua
• Dirulaguntza justifikatzeko garaian:
  • Hizkuntza ofizialen benetako erabilera. 7.3E eredua
  • Justifikazio zerrenda. 7.3F eredua.

DOKUMENTAZIO LAGUNGARRIA

• 7.3A Dirulaguntza eskabidea
• 7.3B Erantzukizunpeko adierazpena
• 7.3D Hizkuntzaren aurreikuspena
• 7.3E Hizkuntza ofizialen erabilera erreala
• 7.3F Gastuen zuriketa
• Euskararen erabilera sustatzeko dirulaguntzen oinarriak
• Euskararen erabilera sustatzeko dirulaguntzen 2024ko deialdia