Informazioa

Euskararekin zailtasunak dituzten 6-16 urte bitarteko haurrei eta nerabeei euskara indartzeko saioak eskaintzen dizkie Zarauzko Udalak eskola orduz kanpo. LHko ikasleek ikastetxean bertan jasotzen dituzte saio horiek eta DBHko ikasleek udal euskaltegiko geletan.

Ikasle talde bakoitzak ordubeteko bi saio jasotzen ditu astero, eta saio horiek ahalik eta ludikoena izaten saiatzen gara, duten euskara maila hobetzeaz gain, euskararekiko duten jarrera hobetuz. Horretaz gain, ikasle horiek herriko jardueretara eta zerbitzuetara bideratzen ere saiatzen gara, talde naturaletan integra daitezen.

Guztira 40-45 ikaslek parte hartzen dute urtero.