Informazioa

Zarauzko establezimenduetako kanpo errotulazioa euskaraz jartzeko dirulaguntzak ematen ditu Zarauzko Udalak.

NORK ESKA DEZAKE?

Honako baldintza hauek betetzen dituenak:

• Helbide fiskala, egoitza edo ordezkaritza iraunkorra Zarautzen duten pertsonek edo elkarteek eskuratu ahal izango dituzte dirulaguntzak.
• Establezimenduak beharrezko lizentziak izatea.
• Errotulua euskaraz bakarrik idatzi, eta euskara zuzena eta egokia erabiltzen duenak.
• Ez da dirulaguntzarik emango errotuluan izen berezia bakarrik agertzen denean; langintza motaren edo jarduera profesionalaren adierazlea hartuko da kontuan.
• Establezimenduetan kanpora begira jartzen diren inskripzioak euskaraz bakarrik idatzita egotea.
• Aurreko urteko deialdiaren epea bukatzen denetik aurtengo deialdiko epea bukatzen den arteko faktura aurkezten dutenak.
• Udalak eskatzaile bakoitzari behin bakarrik emango dio errotulua euskaraz jartzeko dirulaguntza. Dirulaguntzaren onuradunak, bere aldetik, konpromisoa hartuko du diruz lagundutako errotuluak euskaraz izaten jarraituko duela hortik aurrera.

ZENBATEKOA:

Dirulaguntzaren oinarrietan jasotzen diren baldintzak betez gero %50eko dirulaguntza emango da (beti ere 350,00 euro arte gehienez).

AURKEZTU BEHARREKO AGIRIAK:

• Dirulaguntza eskatzeko inprimakia behar den bezala beteta. (7.4A Eranskina)
• Erakunde eskatzailearen pertsona arduradunaren edo ordezkariaren NANaren fotokopia.
• Identifikazio Fiskaleko Zenbakiaren fotokopia.
• Gastuen jatorriko fakturak eta dagozkien ordainagiriak.
• Diruz lagundutako errotuluaren argazki bat.
• Oinarri hauei erantsitako zinpeko aitorpena. (7.4B Eranskina)
• Udalak hala eskatuz gero, deialdiaren helburuak betetzeko argigarria den informazio osagarria aurkeztu beharko dute eskatzaileek.

DOKUMENTAZIO LAGUNGARRIA

• 7.4A Errotuluak: eskabidea
• 7.4B Eranskina: zinpeko aitorpena