2022/07/04

San Pelaio festek baitan Zarauzko Udalak harrera egin zien Erasmus+ programarekin Zarautzera iritsitako gazteri. Guztira, 18 eta 21 urte bitarteko jatorri desberdinetako 40 gazte izan ziren herrian aurreko astean: 10 georgiar, 10 portugaldar, 10 italiar eta 10 euskaldun.

Gazte hauek ARTS AND MOVEMENT SAVES US! proiektua lantzen ari dira, pandemia garaian arteak eta ariketa fisikoak izan duen garrantziaren inguruan hausnarketa eginez.

Irune Urbieta (EAJ-PNV) Hezkuntza eta Gazteria zinegotziak eta Onditz de Leizaola Gazteria teknikariak egin zieten harrera gazte eta arduradunei udaletxeko Batzar Aretoan eta, ondoren, gure herriko ohituren adierazle garbi diren Zarauzko Erraldoi eta Buruhandiak ikusteko aukera izan zuten. Honez gain, asteburu guztian zehar, proiektuko 40 gazteek sanpelaioetaz gozatu zuten.