TXURRUKA BIDEA ETA ZINKUNEGI KALEAN JARRAITUKO DUTE ASFALTATZE LANEK
2020/01/17
2019. urterako Asfaltatze Plana urtarrilaren 8an hasi zen Untzain auzoan. Datozen asteetan, lanek jarraipena izango dute Txurruka bidean eta Zinkunegi kalean.
Campezo Obras y Servicios S.A. enpresak urtarrilaren 20ean, astelehena, hasiko ditu asfaltatze lanak Txurruka bidean. Iraupena 3 egunekoa izatea aurreikusten da. Era berean, Urtarrilaren 21ean, asteartea, Zinkunegi kalean ere hasiko dira asfaltatze lanetan. Lanek, 10 egun inguruko exekuzio epea izango dute eta bi faseetan burutuko dira. Aurrenengo fasean Gipuzkoa kalea eta Nafarroa kalea bitarteko eremuan arituko dira eta bigarren fasean Nafarroa kalea eta Zumalakarregi kalea bitarteko eremuan.
Denbora tarte honetan, ibilgailuen aparkamendu eta zirkulazioari eragingo diote asfaltatze lanek. Hala, ibilgailuak ezingo dira obra eremuan sartu. Udaletik bizilagunei barkamena eskatu nahi diegu, obrak sortu ditzakeen eragozpen guztiengatik.
Hauxe da 2019 urteko Asfaltatze Planean aurreikusitako esku-hartzeen egutegia:
| TOKIA | HASIERA DATA | AMAIERA DATA |
| Alkortiaga bidea (Elkano auzoa) | Urtarrilak 15 | Urtarrilak 22 |
| Txurruka bidea | Urtarrilak 20 | Urtarrilak 22 |
| Zinkunegi kalea (Gipuzkoa - Nafarroa) | Urtarrilak 21 | Urtarrilak 27 |
| Zinkunegi kalea (Nafarroa - Zumalakarregi) | Urtarrilak 23 | Urtarrilak 30 |
| Jautarkol kalea | Urtarrilak 28 | Urtarrilak 31 |
| Mateo Mugika kalea | Urtarrilak 30 | Otsailak 4 |
| Zelai Ondo Plaza | Otsailak 3 | Otsailak 10 |
| Zelai Ondo kalea | Otsailak 4 | Otsailak 17 |
| Bizkaia Kalea (San Inazio - Salbide) | Otsailak 10 | Otsailak 18 |
| Bizkaia kalea (Iturribide - Urdaneta) | Otsailak 13 | Otsailak 20 |
| Egaña kalea | Otsailak 17 | Otsailak 21 |
| Gipuzkoa kalea (Mintegi - Nafarroa) | Otsailak 21 | Otsailak 28 |