2020/02/20

2019 urteko Asfaltatze Planak Gipuzkoa kalean izango du jarraipena. Datozen egunetan, Mintegi paretik hasi eta Nafarroa kaleko elkargunera bitartean burutuko dira asfaltatze lanak.

Zehazki, gaur, osteguna, otsailak 20, 9:00etatik aurrera, Mintegi kaletik hasiko dira asfaltatzen Gipuzkoa kalea, Nafarroa kaleko norabidean. Ibilgailuen zirkulazioa debekatua egongo den arren, garajeetako jabeei sarrera-irteera baimenduko zaie.

Ostiralean, otsailak 21, aldiz, Gipuzkoa kalea Nafarroa kaleko elkargunetik hasiko dira asfaltatzen, Mintegi kaleko norabidean. Kasu honetan ere 9:00etan hasiko dira lanak eta ibilgailuen zirkulazioa debekatuko da.

Asfaltatze lanak datorren astelehenean, otsailak 24, amaituko dira, pintaketa lanekin.

Asfaltatze lanak direla eta, Gipuzkoa kaleko hiribusaren geltokia tokiz aldatuko da, Nafarroa kalea 45 zenbakiaren parera. Ikastolako ikasleen autobusak ere bertan egingo du geldiunea, eta, ikastolako ikasleak Moilarri kaletik barrena joango dira Ikastolara. geltoki hau egiteko, eremu bat egokituko da.