Zarauzko Udalak euskarazko AISA ikastaroa antolatu du herrira etorritako bizilagun berrientzat.
Ikastaro honen helburua euskarazko oinarrizko esamoldeak ikastea da: hitzak, agurrak... euskal kultura ezagutzen duten bitartean.
Horrela, ikastaroak guztira 60 orduko iraupena izango du, azaroaren 13tik otsailaren 5era. Astelehenetan, astearteetan eta ostegunetan, goizeko taldea 9:30etik 11:30era eta arratsaldekoa 18:00etatik 20:00etara.
Izena emateko epea urriaren 30etik azaroaren 6ra zabalik egongo da, Udaleko Gizarte Zerbitzuetan (Zigordia kalea, 33), telefonoz (943 005 127) edo emailez (immigrazioa@zarautz.eus).
